وتەبێژی بەرگریی شارستانیی هەرێمی کوردستان، رایگەیاند، لە حاڵەتی ئامادەباشییداین.
سەرکەوت کاڕەش، وتەبێژی بەڕێوەبەرایەتیی گشتیی بەرگریی شارستانیی هەرێمی کوردستان، رایگەیاند،”لە ئەمڕۆوە و بۆ ماوەی پێنج رۆژ هێزەکانمان لە تەواوی هەرێمی کوردستان خرانە حاڵەتی ئامادەباشییەوە”.
وتیشی، بەگوێرەی پێشبینییەکان لە هەرێمی کوردستان بارانی بەهێز دەبارێت و هۆشداری لە دروستبوونی لافاودەدرێت.
باسی لەوەشکرد، بۆ رووبەڕووبوونەوەی هەر حاڵەتێکی نەخوازراو ئامادەین و لە هەر ناوچەیەک هاوڵاتییان پێویستییان بە فریاگوزاری بوو، دەتوانن پەیوەندی بە ژمارە (115)ـەوە بکەن.
