وەزارەتی بەرگریی سوریا ئاشکرایکرد، ئیسرائیل بۆردوومانی دەوروبەری دیمەشقی کردووە و بەهۆیەوە چوار سەرباز کوژراون.
ئاژانسی هەواڵی فەرمیی سانا بڵاویکردەوە، لە بەرەبەیانی ئەمڕۆدا هێرشێکی ئاسمانیی ئیسرائیل بارهەڵگرێکی چەک و کەرەستەی تەقەمەنیی حزبوڵای کردەئامانج، بەهۆی بۆردوومانەکەوە چوار سەربازی سوریا کوژراون و سیانی دیکەش برینداربوون.
سەرچاوەکە باسی لە وڵامدانەوەی بەرگریی ئاسمانیی سوریا داوە بەبێ ئەوەی زیاتر باس لە زیانەکان بکات.
ئاژانسی فرانس پرێس لەزاری شایەتحاڵەکانەوە ڕایگەیاند، کە دەنگی چەند تەقینەوەیەک لە دیمەشق بیستراوە.
