بەڕێوەبەرایەتیی هاتوچۆی سلێمانی ئەمڕۆ سێشەممە ڕایگەیاند، “هاوڵاتییان ئاگاداردەکاتەوە لە ڕۆژی پێنج شەممە 28/4/2022ـەوە دەستدەکرێت بە پێدانی تابلۆی نوێ بە سیستەم و دیزاینێکی نوێ بۆ ئەو ئۆتۆمبێلانەی کە تۆماری یەکەم جارن”.
سەبارەت بەو ئۆتۆمبێلانەی پێشتر تۆماركراون و ژمارە و ساڵنامەیان هەن، ئاگادارینامەكەی ڕاگەیاندنی بەڕێوەبەرایەتیی هاتوچۆی سلێمانی ئاماژە بۆ ئەوە دەكات كە “لە دوای جەژنی ڕەمەزانەوە ڕێنمایی زیاتر سەبارەت بە جۆرەکانی تر بڵاودەکرێتەوە”.
دوێنێ لە هەولێر یەكەم ئۆتۆمبێل تابلۆی نوێی ژمارەی پێدرا كە تابلۆی یەكخراوە لەنێوان هەردوو حكومەتی هەرێمی كوردستان و فیدراڵیدا.
بۆ ئەوەی بزانیت ژمارەی تابلۆی ئۆتۆمبێلەكەت بەپێی سیستمی نوێ چۆن دەبێت، كلیك لێرە بكە و ژمارەی ئێستای تابلۆكە داخڵبكە و ژمارەی نوێ بزانە.
