بای بەهێز کەی کۆتاییدێت؟

بەڕێوەبەرایەتیی کەشناسیی هەرێمی کوردستان رایدەگەیەنێت، کەشی ئەمڕۆ ساماڵ دەبێت و بای بەهێز کۆتاییدێت.

بەڕێوەبەرایەتیی کەشناسی و بومەلەرزەزانیی هەرێمی کوردستان بڵاویکردەوە، ئەمڕۆ شەممە، ئاسمان ساماڵ و پەڵەهەور دەبێت، خێرایی با لەسەرخۆدەبێت، خێراییەکەی لەنێوان 5 بۆ 10 کیلۆمەتردەبێت لە کاتژمێرێکدا، هەروەها پلەی گەرمی نزیکدەبێتەوە لە تۆمارەکانی دوێنێ.

سەبارەت بە کەشی سبەینێ یەکشەممە، ئاشکرایکرد، ئاسمان ساماڵ و نیمچەهەور دەبێت، لە کاتەکانی ئێوارە دەگۆڕێت بۆ هەوری تەواو، خێرایی با لەسەرخۆ دەبێت، خێراییەکەی لەنێوان 5 بۆ 10 کیلۆمەتردەبێت لە کاتژمێرێکدا، هەروەها پلەی گەرمی نزیکدەبێتەوە لە تۆمارەکانی ئەمڕۆ.

بەرزترین پلەی گەرمی پێشبینیکراو بە پلەی سیلیزی:

هەولێر: 17 پلەی سیلیزی

سلێمانی: 14 پلەی سیلیزی

دهۆک: 16 پلەی سیلیزی

زاخۆ: 17 پلەی سیلیزی

کەرکوک: 17 پلەی سیلیزی

هەڵەبجە: 16 پلەی سیلیزی

گەرمیان: 18 پلەی سیلیزی