مێندی گەڕایەوە مەشق و ڕاهێنانەكانی یانەی ڕیاڵ مەدرید، بەڵام ئالابا و كاسمیرۆ هێشتا لە ژێر چاودێری پزیشكیدان.
سبەی سێ شەممە، كاتژمێر 10ی شەو، یانەی ڕیاڵ مەدرید لەدەرەوەی یاریگای خۆی دەبێتە میوانی یانەی مانچستەر سیتی.
مێندی بەرگریكاری چەپی یانەی ڕیاڵ مەدرید بەشداری دواین مەشق و ڕاهێنانی یانەكەی كرد، بەوەش بۆ یارییەكەی سیتی ئامادە دەبێت.
بەڵام تا ئێستا هەردوو یاریزان كاسمیرۆ و ئالابا لە ڕاهێنانەكان بێبەش بوون و لە ژێر چاودێری پزیشكیدان.
بە پێی ڕاگەیاندنەكان بێت هەردوو یاریزان كاسمیرۆ و ئالابا ناتوانن بەشداری یارییەكە بكەن و تا سبەی لە پێكان چاك نابنەوە.
پێشبینی دەكرێت بۆ جێگەی كاسمیرۆ، كارلۆ ئەنچیلۆتی پشت بە كامافینگا ببەستێت و بۆ جێگەی ئالاباش یاریی بە ناچۆ بكرێت.
