بەپێی توێژینەوەکان، دەکرێت تووشبوونی کەسێک بە نەخۆشیی خەمۆکی دیاریبکرێت لەڕێی هەڵبژاردنی وشە و دەستەواژەکانیەوە لە ئینتەرنێتدا.
زانیارییەکانی ڕێکخراوی تەندروستیی جیهانی ئاماژە بەوە دەدەن، زیاتر لە 300 ملیۆن کەس لە جیهاندا خەمۆکییان هەیە، زۆربەشیان لە توێژی گەنجانن.
بۆ ڕووبەڕووبوونەوەی ئام حاڵەتە، توێژەرانی ناوەندی “سێنیتێڤ” لە نەرویج و زانکۆی ئۆسلۆ پرۆژەیەکی زانستییان هەیە بەناوی “سۆشیاڵ هێڵس بۆتس”، کە چەند ڕێکارێکی ئەلیکترۆنیی ڕۆبۆتین لەڕێی تۆڕە کۆمەڵایەتییەکانەوە کاردەکەن، تاکو یارمەتیی ئەو گەنجانە بدەن کە کێشەی تەنردوستیی دەروونییان هەیە.
ئەم پرۆژەیە لەڕێی نووسینی بەکارهێنەرە گەنجەکانەوە دەیەوێت لە باری دەروونییان تێبگات.
کیم کریستۆڤەر دێستێ پزیشک لە زانکۆی ئۆسلۆ و تایبەتمەند لە کێشەکانی تەندروستیی گەنجان، جەختیکردووەتەوە، ئەو وشە و دەستەواژانەی گەنجانی خاوەن کێشەی خەمۆکی بەکاریدەهێنن، بە شێوەیەکی سەرسامکەر هاوشێوەی ئەو نیشانانەی خەمۆکین کە لە کتێبە زانستییەکانی ئەو بوارەدا هاتوون.
