ڕوسیا نوێترین مووشەكی كیشوەربڕی تاقیكردەوە، پوتین بە “بێوێنە لە جیهاندا” پێناسەی دەكات و دەڵێت، دوژمنانمان سڵی لێدەكەنەوە.
مووشەكە نوێیەكە بالیستییە و لە جۆری “سارمارت”ـە، لە بنكەی ئاسمانیی پلێسیتسك تاقیكرایەوە و ڤلادیمێر پوتین سەرۆكی ڕوسیا بە “بێوێنە لە جیهاندا” پێناسەی كرد و وتی، “ئەم مووشەكە وا لە دوژمنانمان دەكات بەرلەوەی هێرشبكەنەسەر ڕوسیا، بیربكەنەوە”.
ڕوسیا 24 جۆر مووشەكی دووربڕی هەیە، بەوەش خاوەنی گەورەترین كۆگای مووشەكە لە جیهاندا و میدیای ئەمریكا دەڵێت، “كۆڵەكەی سیستمیی بەرگریی ڕوسیا، مووشەكە ستراتیژییەكانیەتی”.
پاییزی ڕابردوو ڕوسیا مووشەكێكی تری دروستكرد بە ناوی “تسێركۆن” كە لە جۆری سەرووی دەنگە و خێراییەكەی زۆر لە دەنگ زیاترە.
