حكومەتی هەرێم ڕایدەگەیەنێت، بەغداد لە مانگی ئابی ساڵی ڕابردووەوە زیاتر لە 117 ملیۆن لیتر بەنزینی بۆ هەرێمی كوردستان ناردووە.
فەرمانگەی میدیا و زانیاریی حكومەتی هەرێم بڵاویكردووەتەوە، لە دوای ڕێككەوتنی نێوان حكومەتی هەرێم و حكومەتی عێراق بۆ ناردنی بەنزین بۆ هەرێمی كوردستان كە بە نرخی 690 دینار دراوەتە شۆفێران زیاتر لە 117 ملیۆن لیتر بەنزین نێردراوە .
لە ڕاگەیەندراوەكە هاتووە، لە 28ی ئابی ساڵی ڕابردووەوە تاوەكو 6 ی ئەم مانگە بڕی 117 ملیۆن و 974 هەزار و 529 لیتر بەنزینی بۆ هەرێمی كوردستان ناردووە كە بەسەر پارێزگاكانی هەرێمی كوردستان دابەشكراوە.
بەنزینە 690 دینارییەكە بەم شێوەیە دابەشكراوە :-
– پارێزگای سلێمانی و هەڵەبجە: 50,404,375 لیتر
– پارێزگای هەولێر: 41,721,407 لیتر
– پارێزگای دهۆك: 25,848,747 لیتر
