سێ ئاسمانگەڕی چینی دوای 183 ڕۆژ مانەوە لە بۆشایی ئاسماندا گەڕانەوە بۆ سەرزەوی
سێ ئاسمانگەڕی چینی كە لەنێویاندا ژنێك هەیە و بۆ دروستكردنی وێستگەی ئاسمانی نێردرابوونە بۆشایی، گەڕانەوە بۆ سەرزەوی.
گەشتی ئەو سێ ئاسمانگەڕە، درێژترین گەشتی ئاسمانیی ئەو وڵاتەیە كە مرۆڤ تیایدا بەشداربووبێت و ماوەی 183 ڕۆژی خایاندووە، ئەركیان بنیادنان و دروستكردنی وێستگەی بۆشایی ئاسمانی “تیانخە”ی چینییە.
چای چی كانگ و ویی گوانگفو و وانگ یابینگ كە سێ ئاسمانگەڕە چینییەكەن، مانگی تشرینی یەكەمی ساڵی ڕابردوو گەشتەكەیان دەستپێكرد و پێنج ئەركیان لە كۆی 11 ئەركی دروستكردنی وێستگەكە تەواوكردووە.
بەپێی ئاژانسی ڕۆیتەرز، بڕیارە دروستكردنی وێستگەكە تا كۆتایی ئەمساڵ تەواوببێت و گەڕانەوەی ئەو كەشتییە ئاسمانییەش كە سێ ئاسمانگەڕەكەی هەڵگرتبوو، نۆ كاتژمێری خایاندووە.
