سەرۆكی ئۆكرانیا ڕایدەگەیەنێت، لە 24ی شوباتەوە هاوڵاتییانی وڵاتەكەی بڕیاریاندا ڕووبەڕووی سوپای ڕوسیا ببنەوە و دەڵێت، “ڕوسیا لە داگیركردنی ئۆكرانیا شكستدەهێنێت”.
ڤۆلۆدیمێر زیلینسكی، سەرۆكی ئۆكرانیا وتارێكی بەبۆنەی تێپەڕبوونی 50 ڕۆژ بەسەر جەنگی ئۆكرانیادا پێشكەشكرد و ڕایگەیاند، “شانازی دەكەین لە 24ی شوباتەوە بە ملیۆنان هاوڵاتیی ئۆكرانیا بڕیاریاندا ڕووبەڕووی سوپای ڕوسیا ببنەوە”.
سەرۆكی ئۆكرانیا وتی، ” نەیاندەزانی ئۆكرانییەكان چەند ئازان و ئێمەش دەمانەوێت بژین”.
ئاشكرایكرد، سوپای ڕوسیا لە داگیركردنی ئۆكرانیا سەركەوتوو نەبووە.
