واپێشبینیدەکرێت بۆریس جۆنسن بە بڕی 13 هەزار دۆلار سزابدرێت.
پارێزەرێکی بەریتانی پێشبینیکردووە، سزای نەختینەیی زیاتر بەسەر بۆریس جۆنسن سەرۆک وەزیرانی بەریتانیادا بدرێت، بەهۆی ئامادەبوونیەوە لە چەند بۆنە و ئاهەنگێکی کاتی قەدەغەی هاتوچۆدا.
بەپێی پێگەی “ئیندیپێندنت”، ئادەم ڤاگنەر پارێزگار و بەرپرسی یاساکانی پەیوەندیدار بە کۆرۆناوە ڕایگەیاندووە، بۆریس جۆنسن دەکرێت لە کۆتاییدا زیاتر لە 10000 پاوەند(13 هەزار دۆلار)ی لێوەربگیرێت، پاش ئەوەی لەلایەن پۆلیسی پایتەختەوە چەند جارێک ئاگادارکردنەوەی پێگەیشتووە بۆ سزادانی نەختینەیی.
ڤاگنەر ڕوونیکردووەتەوە، لە ماوەی پێشوودا ئەگەر “سەرۆک وەزیران بەشداریی شەش بۆنەی کردبێت و پێنجیان مەرتسیی وەرگرتنی سزایان هەبێت و ئەو سزایانە بدرێت، ڕەنگە کار بگاتە ئەوە زیاتر لە 10000 پاوەند بدات”.
بەهۆی ئەم لادانەیەوە، بۆریس جۆنسۆن بووەتە یەکەمین سەرۆک وەزیران لە مێژوودا، کە بەهۆی یاساشکێنییەوە سزابدرێت. ئەمە جگە لەوەی لە چەند ڕۆژی ڕابردوودا جۆنسۆن داوایلێکرا دەستلەکاربکێشێتەوە و ئەو ڕەتیکردەوە، لەکاتێکدا کە بەپێی ڕاپرسییەک لە سەدا 75ی بەریتانییەکان کۆکبوون لەسەر پێویستیی دەستلەکارکێشانەوەی.
