بەڕێوەبەرانی یانەی بەرشلۆنە پێیانوایە، لە ساڵێک بۆ دوو ساڵی داهاتوودا دەتوانن لەگەڵ خاڤیێر ماسکیرانۆی ئەرجەنتینی یەکبگرنەوە وەک ڕاهێنەرێک سوود لە تواناکانی وەربگرن.
ماسکیرانۆ تەمەنی 37 ساڵە و لە ئێستادا پێگەی ڕاهێنەری لاوانی (خوار 20 ساڵ) ی ئەرجەنتینی وەرگرتووە، لە کارەکانی بەردەوامە و شارەزایان ئاماژەیان بە توانا تاکتیکییەکانی کردووە و پلەیەکی باشیان پێداوە.
لە بەرامبەردا پێکهاتەکانی لاوانی بەرشلۆنە (بەرشلۆنە بی) لەلایەن سێرجی بارجوانەوە سەرپەرشتی دەکرێت، ئەم ڕاهێنەرەش متمانەیەکی بەهێزی خوان لاپۆرتا و هاوکارانی بەدەستهێناوە، لەلایەن “دیاریۆ سپۆرت”ەوە بە “متمانەی کوێرانە” ناوبراوە.
بەپێی زانیارییەکانی “دیاریۆ سپۆرت”، چاڤی لەگەڵ ماسکیرانۆ پەیوەندییەکی توندوتۆڵی هەیە، ڕەنگە ئەو پەیوەندییە ببێتە پردێک بۆ گەڕانەوەی ئەرجەنتینییەکە بۆ ڕیزەکانی بارسا.
