لە سلێمانی، نرخی بەنزین زیاتر دابەزی، ئەمجارە هەرسێ جۆرەكە 25 دینار لە نرخەكانیان كەمبووەوە.
بەهمەن شێخ قادر، وتەبێژی بەنزینخانەكانی سلێمانی بە تۆڕی میدیایی ئێستای ڕاگەیاند، ئەمشەو بەنزینخانەكانی سلێمانی بڕیاریانداوە هەرسێ جۆرەكەی بەنزین هەرزانتر بكەن، لەكاتێكدا لەماوەی ڕابردوودا تەنها نۆرماڵ هەرزانتر كرابوو.
دوای كەمكردنەوەكەی ئەمشەوی بەنزین، نرخی لیترێك بەنزینی نۆرماڵ بوو بە 975 دینار، موحەسەن بە هەزار و 75 دینارە و سوپەریش دابەزی بۆ هەزار و 150 دینار بۆ هەر لیترێك.
وتەبێژی بەنزینخانەكانی سلێمانی هۆكاری دابەزینەكەی گەڕاندەوە بۆ بازاڕی دارایی جیهانی و دابەزینی نرخی نەوت، هەروەها کەمبوونەوەی خواست لەسەر بەنزین.
دڵنیاییشی دا كە چەند ڕۆژێكە هاتنی بەنزینە 690 دینارییەكەی بەغداد بەشێوەیەكی ئاسایی دەگاتە سنووری سلێمانی، ئەوەش یەکێکە لە هۆکارەکان.
