وەزارەتی پێشمەرگەی هەرێمی کوردستان ڕایگەیاند، بەفەرمانی ئەنجومەنی وەزیران سەرجەم هێزەکانی پشتیوانیی 2 لە هێزەکانی 70 گوسترانەوە سەر وەزارەتی پێشمەرگە.
لەڕاگەیەندراوێکدا وەزارەتی پێشمەرگەی هەرێمی کوردستان ڕایگەیاند، “لەچێوەی پرۆسەی چاکسازی لە وەزارەتی پێشمەرگە و پرۆسەی یەکخستنەوە و ڕێکخستنەوەی هێزەکانی پێشمەرگە، هێزەکانی پشتیوانی/ 2 گواسترایەوە سەر وەزارەتی پێشمەرگە”.
لەوبارەیەوە هۆشمەند ڕەشید جێگری سەرۆکی ئەرکان بۆ ئیدارە و میرە ڕایگەیاند، “بەفەرمانی ژمارە 228ی ئەنجومەنی وەزیرانی کوردستان، لە بەرواری 25 کانوونی دووەمی 2022، تەواوی هێزەکانی پشتیوانی دوو لە هێزەکانی 70وە گواسترانەوە سەر وەزارەتی پێشمەرگە”.
پێشتریش لەچێوەی چاکسازییەکاندا هێزەکانی پشتیوانیی 1 گواسترانەوە سەر وەزارەتی پێشمەرگە.
