بەهۆی شەڕی ئۆكرانیاوە، یەدەگی زێڕ و دراوی بیانیی ڕوسیا نزیكەی 11 ملیار دۆلار كەمیكردووە و مۆسكۆ جەختدەكاتەوە كە پارەیەكی زۆری لەلایەن بانكەكانی خۆرئاواوە بلۆككراون.
بانكی ناوەندیی ڕوسیا ئاشكرایكرد، یەدەگی زێڕ و دراوی بیانیی وڵاتەكە لە سەرەتای ئەم مانگەدا كەمبووەتەوە بۆ 606.409 ملیار دۆلار، دوای ئەوەی مانگی ڕابردوو 617.133 ملیار دۆلار بووە.
هۆكاری كەمبوونەوەی یەدەگی زێڕ و دراوی بیانیی ڕوسیا، سەپاندنی ئەو سزایانەیە كە خۆرئاوا بەهۆی شەڕی ئۆكرانیاوە بەسەر مۆسكۆدا سەپاندوونی.
بەپێی داتاكانی بانكی ناوەندیی ڕوسیا كە ئەمڕۆ دووشەممە ئاشكرایكردوون، یەدەگی زێڕی ڕوسیا 21.5% و یۆرۆ 33.9%ـیە.
بانكەكە دەڵێت، “سەرباری بلۆككردنی چەندین بڕەپارەی ڕوسیا لە یۆرۆ و دۆلار و پاوەند لەلایەن بانكەكانی وڵاتانی خۆرئاواوە، هێشتا ڕوسیا یەدەگی پێویستی زێڕ و یوانی چینیی هەیە”.
