بەڕێوەبەرایەتیی پۆلیسی هەولێر بڵاویكردووەتەوە، شەوی ڕابردوو هاوڵاتییەكی تەمەن 33 ساڵان تەقەی لێكراوە و گیانیلەدەستداوە.
بەپێی ڕاگەیەندراوێكی بەڕێوەبەرایەتیی پۆلیسی هەولێر تێیدا هاتووە، شەوی ڕابردوو ئاگاداركراونەتەوە هاوڵاتییەك لە گەڕەكی شێخ ئەحمەد تەقەی لێكراوە و گیانیلەدەستداوە.
لە راگەیەندراوەكە هاتووە،”هێزەكانمان لە بەڕێوەبەرایەتی پۆلیسی هەولێر چوونەتە شوێنی ڕووداوەكە و لێكۆڵینەوەیان دەستپێكردووە.
پۆلیسی هەولێر ئاماژەی بەوە كرد،”لە لێكۆڵینەوە سەرەتاییەكاندا ناسنامەی كوژراوەكە ئاشكراكراوە كە هاوڵاتییەكی تەمەن 33 ساڵە.
لەڕاگەیەندراوەكەدا پۆلیسی هەولێر دەڵێت، “پەڕاوەی لێكۆڵینەوە بۆ ڕووداوەكە كراوەتەوە و لە ئاییندەیەكی نزیكدا ووردەكاریی زیاتر بڵاودەكرێتەوە”.
