(XE) ناوی نوێترین گۆڕاوی ڤایرۆسی كۆرۆنایە، لە بەریتانیا و هندستان سەریهەڵداوە و زانایان و پسپۆڕان نیشانەكانی ئاشكرادەكەن.
بەپێی خشتەی دەستەی خزمەتگوزاریی تەندروستیی نیشتمانیی بەریتانیا (NHS) كە لەبارەی نیشانەكانی كۆرۆناوە بڵاویكردووەتەوە، نیشانەكانی تووشبوون بەم گۆڕاوەی كۆرۆنا تا ڕادەیەكی زۆر لە نیشانەكانی هەڵامەتەوە نزیكن و بەشێكیشیان هاوشێوەی نیشانەكانی گۆڕاوەكانی تری كۆرۆنان.
لەبارەی نیشانەكانەوە، دەستەی خزمەتگوزاریی تەندروستیی نیشتمانیی بەریتانیا دەڵێت، “بریتین لە تای زۆر و تەنگەنەفەسی و ئازاری ماسوولكەكان و ماندووبوون و هێڵنجدان، لەگەڵ سكچوون و لەدەستدانی هەردوو هەستی تام و بۆنكردن و گیرانی لووت”.
هاوكاتی دۆزینەوەی گۆڕاوە نوێیەكە لە بەریتانیا، یەكەم حاڵەتی تووشبوون بە (XE) لە هیندستان تۆماركرا.
