وەرزی 2021-2022 بۆ هەندێک لە دیارترین ئەستێرەکانی بواری تۆپی پێ باش نەبووە، دابەزینی ئاشکرا لە نرخی گواستنەوەیاندا ڕوویداوە.
دابەزینی بەهای یاریزانەکانیش بۆ نزمی ئاستیان، یان بەشدارینەکردنیان لە یارییەکان دەگەڕێتەوە.
هێرشبەری بەلجیکی، ڕۆمیلو لوکاکو لە لووتکەی ڕیزبەندیی ئەو یاریزانانەدایە کە نرخیان کەمی کردووە، بەو پێیەی هاوینی ڕابردوو لە ئینتەر میلانەوە بە بڕی 113 ملیۆن یۆرۆ پەیوەندی بە چێڵسی-یەوە کرد،بەڵام لەم وەرزەدا 20 یاریی لە خولی ئینگلتەرا کردووە، تەنها گۆڵێکی ڕەخساندووە و پێنج گۆڵی تۆمار کردووە.
وەرزی ڕابردوو لە خولی ئیتاڵیا، تانکەکەی بەلجیکا 36 یاری کرد و 24 گۆڵی تۆمارکرد و 10 گۆڵیشی کرد.
مانچستەر یونایتد بەهۆی دابەزینی نرخی یاریزانەکانییەوە زۆرترین زیانی بەرکەوتووە، چونکە لە کۆی پێنج یاریزان کە نرخیان زۆر دابەزیوە، سییانیان لە مانچستەر یونایتد یاریدەکەن.
ڕۆمیلو لوکاکو (چێڵسی) لە 100 بۆ 85 ملیۆن یۆرۆ
جادۆن سانچۆ (مانچستەر یونایتد) لە 85 بۆ 80 ملیۆن یۆرۆ
لاوتارۆ مارتینێز (ئینتەرمیلان) لە 80 ملیۆن بۆ 70 ملیۆن یۆرۆ
مارکۆس ڕاشفۆرد (مانچستەر یونایتد) لە 85 بۆ 70 ملیۆن یۆرۆ
ڕافائێل ڤاران (مانچستەر یونایتد) لە 65 بۆ 60 ملیۆن یۆرۆ
