وەزارەتی كارەبای هەرێم بڵاویكردووەتەوە، لە ڕێگای سیستمی ئۆنلاینەوە چارەسەری كێشەی هاوڵاتیان دەكەن و لە مانگی شوباتدا 90 سكاڵای هاوڵاتیان بە سیستمی ئۆنلاین و پەیوەندیی تەلەفۆنی چارەسەركراون.
بەپێی راگەیەندراوێكی وەزارەتی كارەبای هەرێم ئەمڕۆ یەكشەممە بڵاویكردووەتەوە، لە ماوەی مانگی شوباتی ئەمساڵدا، وەڵامی 90 سكاڵا و داواكاریی هاوڵاتیان دراونەتەوە كە بە ڕێگای خزمەتگوزاریی سیستمی ئۆنلاین و پەیوەندیی تەلەفۆنیی پێشكەشكراون.
ئاماژە بەوەكراوە 53 سكاڵای هاوڵاتیان چارەسەركراون، 23 سكاڵا تایبەتبوون بە پێشنیاز و تێبینی و دۆسیەی دووبارە لە ڕێگای سیستمەكەوە بە دواداچوونیان بۆ كراوە و چارەسەركراون .
لە ڕاگەیەندراوەكەی وەزارەتدا هاتووە، سكاڵا و داواكاریی هاوڵاتیان لە گرفتەكانی پێوەری زیرەك ، هەڵەی خوێندنەوەی پێوەرو سەرپێچی و ڕۆتین بەدواداچوونیان بۆ كراوە.
