ڕووداوێكی تەقەكردن لە شاری ساكرامێنتۆی ویلایەتی كالیفۆرنیای ئەمریكا، 15 قوربانیی لەنێوان كوژرا و برینداردا لێكەوتەوە.
ڕووداوەكە بەیانیی ئەمڕۆ یەكشەممە (ئێوارە بە كاتی كوردستان) ڕوویداوە و پۆلیسی ساكرامێنتۆ دەڵێت، “پۆلیس بە لایەنی كەمەوە 15 قوربانیی دەستنیشانكردووە كە لە ڕووداوی تەقەكردنەكەدا پێكراون و شەشیان مردوون”.
پۆلیس ڕاگەیەندراوێكی لە تویتەر بڵاوكردووەتەوە و زانیاریی زیاتری لەبارەی ڕووداوەكە و هۆكارەكەی و ئەنجامدەری ئاشكرانەكردووە، تەنها نووسیویەتی، “بەردەوامدەبین لە بڵاوبوونەوەی چڕ لە شوێنی ڕووداوەكەدا، ڕووداوەكەش هێشتا بەردەوامە”.
كۆتایی مانگی ڕابردوو، بەهۆی تەقەكردنەوە لە پێشانگایەكی ئۆتۆمبێل لە شاری دوماس-ی ویلایەتی ئەركانزاس لە ئەمریكا، كەسێك كوژرا و 10 كەسی دیكە برینداربوون.
