خواردنەوەی “چا” لە كاتی ژەمە خۆراكییەكاندا لای زۆرێكمان گرنگی پێدەدرێت و بەشێكە لە ژەمی بەیانیان.
زۆر كات چای كیس بەكاردەهێندرێت بە تایبەت لە كاتی كاركردن یاخود دەوامكردندا كە ئاسانتر ئامادەدەكرێـت.
بەپێی لێكۆلێنەوە نوێیەكان، چای كیس لە دوای بەكارهێنانی ئەگەر تێكەڵ بە خۆڵی ناو باخ بكرێت زۆر بە سوودە بۆ ڕووەكانی ناو باخەكە بە تایبەت ئەگەر نەمامی تێدابێت.
ئاماژە بەوە كراوە، چا چەند ماددەیەكی خۆراكی گرنگی بۆ ڕووەك تێدایە بەشێوەیەكی سروشتی بۆ زەوی بەسوودە و پێكهاتەی كیسی چاكە بۆ ڕووەكان سوودێكی دیكەی هەیە كە ماددە زیانبەخشەكانی زەوییەكە لەناو دەبات.
