بەغداد بڕیار دەدات
پسووڵەی خۆراك چاپ ناكرێت و دەگۆڕدرێت بۆ كارتی زیرەك

بەڕێوەبەری ڕێكخستنی پسووڵەی خۆراك لە سلێمانی ڕایدەگەیەنێت، حكومەتی عێراق پسووڵەی خۆراك چاپ ناكات و دەگۆڕدرێت بۆ كارتی زیرەك.

یاسین مەحمود، بەڕێوەبەری ڕێكخستنی پسووڵەی خۆراك لە سلێمانی لەلێدوانێكدا بە تۆڕی میدیایی ئێستای ڕاگەیاند،بەر لە پشووەكانی نەورۆز نوێنەرمان سەردانی بەغدادی كردووە بەمەبەستی یەكلاكردنەوەی چاپكردنی پسووڵەی نوێی خۆراك و نوێنەرەكەمان لە بەغداد ئاگاداركراوەتەوە حكومەتی عێراق بەنیازە پسووڵەی نوێی خۆراك بۆ ساڵی 2022-2023 دەرنەكات و بكرێتە كارتی زیرەك.

ئاماژەی بەوە كرد، كارتی زیرەك شوێنی پسووڵەی خۆراك دەگرێتەوە و دەبێت سەرجەم بریكارەكانی خۆراك ئامێرێكی تایبەت بە كارتی زیرەكیان بۆ دابینبكرێت كاتێك هاوڵاتیان سەردانیان دەكەن تەواوی زانیارییەكەی لە ڕێگای كارتی زیرەك و ئامێرەكەوە بەدەستدەهێندرێت.

بەڕێوەبەری ڕێكخستنی پسووڵەی خۆراك ووتی” تا ئەو كاتەی كارتی زیرەك تەواو دەكرێت كار بە پسووڵەی كۆنی خۆراك دەكرێت و ئەو كەسانەی هاوسەرگیری ئەنجامدەدەن زانیارییان لێوەردەگرێت ڕاستەوخۆ دەنێرێت بۆ بەغداد.

بابەتی پێشتر

 موقتەدا سەدر 40 ڕۆژ مۆڵەت دەداتە چێوەی هەماهەنگیی شیعییەكان بۆ پێكهێنانی حكومەت

بابەتی دواتر

پۆلیسی سلێمانی دەستگیركردنی كەسێكی بە تۆمەتی دزیكردن ڕاگەیاند

بابەتی پەیوەندیدار
Total
0
Share