ڕێبەری ڕەوتی سەدر ڕایدەگەیەنێت، 40 ڕۆژ مۆڵەت دەدەنە چێوەی هەماهەنگیی شیعییەكان لەگەڵ لایەنەكان دانوستان بكەن و كابینەی نوێی حكومەت پێكبهێنن.
موقتەدا سەدر، ڕێبەری ڕەوتی سەدر لە پەیامێكیدا لە تویتەر بڵاویكردووەتەوە، ماوەی 40 ڕۆژ دەرفەت دەدەینە چێوەی هەماهەنگیی شیعییەكان حكومەت پێكبهێنن و گفتوگۆ لەگەڵ لایەنەكان بەبێ جیاوازی دەستپێبكەن.
لە پەیامەكەیدا سەدر داوای لەپەرلەمانتارانی كوتلەی سەدر لە ئەنجومەنی نوێنەرانی عێراق كردووە ، “بە هیچ شێوەیەك دەستووەردان لە كارەكانی سێیەكی پەكخەر نەكەن بۆ پێكهێنانی كابینەی حكومەت”.
موقتەدا سەدر ئاماژەی بەوەكرد، “جگە لەسەدر گفتوگۆ لەگەڵ سەرجەم لایەنەكان بۆ پێكهێنانی حكومەت ئەنجامبدەن”.
