بەهۆی ڕووداوێكی هاتوچۆ لەسەر ڕێگای كۆیە-هەولێر، چوار كەس گیانیان لەدەستدا و دووانی دیكە برینداربوون.
بەڕێوەبەرایەتیی هاتوچۆی كۆیە بڵاویكردەوە، لە ڕێگەی کۆیە-هەولێر نزیک گوندی گۆمەتاڵ پێکدادان لەنێوان دوو ئۆتۆمبێلی مازدا و ئەتیكۆ-دا ڕوویدا.
بەهۆی ڕووداوەكەوە چوار كەس گیانیان لەدەستدا و دووانی دیكە برینداربوون.
هاتوچۆی كۆیە ڕوونیكردەوە، لە مازداكەدا پێنج كەسی تیابووە، چواریان گیانیان لەدەستدا و یەكێكیان بریندارە و سەرجەمیان یاریزانی بالە-ن، شۆفێری ئەتیكۆ-كەش برینداربووە.
