بەڕێوەبەرایەتیی گشتیی تەندروستیی سلێمانی بەمەبەستی پاراستنی گیانی مووچەخۆران تیمێکی تەندروستیی لەبەردەم سەرجەم بانکەکانی دابەشکردنی مووچەدا جێگیربکات.
لە لێدوانێکدا بۆ تۆڕی میدیایی ئێستا دکتۆر سەباح هەورامی بەڕێوەبەری گشتیی تەندروستیی سلێمانی ڕایگەیاند، “تیمێکی تەندروستی و ئۆتۆمبێلێکی فریاکەوتن لەبەردەم هەریەکە لە بانکەکانی دابەشکردنی مووچەدا دادەنێن، بەمەبەستی پاراستنی گیانی خانەنشینان”.
ئەمە لەکاتێکدایە شەوی ڕابردوو بافڵ جەلال تاڵەبانی ڕایگەیاند، دووبارەبوونەوەی گیانلەدەستدانی خانەنشینان قبوڵناكەن و دەبێت لە بەرزترین ئاستدا مامەڵەی خانەنشینان ڕایی بکەن و بە ئەوپەڕی ڕێز و شکۆمەندییەوە هەڵسوکەوتیان لەگەڵ بکرێت.
دوێنێ لە بەردەم بانکی تانجەرۆی سلێمانی خانەنشینێک لەکاتی وەستانی لەسەرەی مووچە گیانیلەدەستدا، ڕۆژی 20ی ئەم مانگەش دوو خانەنشینی دیکە لەبەردەم هەمان بانک گیانیان لەدەستدا.
