موقتەدا سەدر ڕێبەری ڕەوتی سەدر ئێوارەی ئەمڕۆ پەیامێکی لەبارەی دانیشتنی سبەینێی پەرلەمانی عێراقەوە پەیامێکی بڵاوکردەوە و دەڵێت، “ئەگەر سێیەکی پەکخەری دانیشتنەکە شیعین داوامان لێبکەن با گەورەترین هاوپەیمانیمان شیعی بێت”.
موقتەدا سەدر لە پەیامێکدا کە لە تویتەر بڵاویکردووەتەوە نووسیویەتی، “ئەگەر سێیەکی پەکخەری ئێوە شیعی تەواون ئەوا داوامانلێبکەن گەورەترین هاوپەیمانێتییمان شیعی بێت، بەڵام ئەوە ناچێتەسەر، با سێیەکی پەکخەری ئێوە نیشتمانی بێت و هاوپەیمانێتییەکەی ئێمەش نیشتمانی بێت”.
بڕیارە سبەینێ شەممە پەرلەمانی عێراق بۆ هەڵبژاردنی سەرۆککۆماری عێراق کۆببێتەوە و بەشێک ئەگەری هەیە ژمارەی یاسایی پەرلەمانتاران بۆ دانیشتنەکە ئامادەنەبن.
