بەرپرسێكی ڕێكخراوی تەندروستیی جیهانی ڕایدەگەیەنێت، ڤایرۆسی كۆرۆنا لە جیهاندا كۆتایی نەهاتووە و بەپێی داتای هەفتانە ژمارەی تووشبووان بە ڤایرۆسەكە زیادیكردووە.
مارگرێت هاریس، وتەبێژی ڕێكخراوی تەندروستیی جیهانی ئەمڕۆ پێنجشەممە ڕایگەیاند، “بە دڵنیاییەوە ئێمە لەنێوەی ڕێگاكەین لەگەڵ ڤایرۆسی كۆرۆنا و بەپێی داتاكان تووشبوون لە چین ڕووی لە هەڵكشان كردووە”.
شەوی ڕابردوو لە چین پێنج هەزارو 280 كەس لە ماوەی 24 كاتژمێری ڕابردوودا دووچاری ڤایرۆسی كۆرۆنابوون، ڕێكخراوی تەندروستیی جیهانی هۆشداریدا و پێیوایە خراپترین شەپۆلی ڤایرۆسی كۆرۆنایە لە چین لەسەرەتای بڵاوبوونەی ڤایرۆسەكەوە تا ئێستا.
