چێوه‌ی هه‌ماهه‌نگیی شیعەكان بڕیارە ئەمڕۆ له به‌غداد كۆبونه‌وه‌یه‌كی یه‌كلاكه‌ره‌وه ئه‌نجام بدات و دوایین داواكاریی و هەڵوێستی خۆیان لەبارەی پێكهێنانی حكومەت بە سەدر بدەن.
میدیا عێراقییەكان بڵاویانكردەوە، ئه‌مڕۆ دووشەممە لایه‌نه‌كانی چێوه‌ی هه‌ماهه‌نگی كۆده‌بنه‌وه و دوایین داواكاری و هەڵوێستی خۆیان بۆ ڕه‌وتی سه‌در ئاشكرادەكەن.
بەپێی هەواڵی میدیا عێراقییەكان، چێوەی هەماهەنگی پێنج خاڵیان وەكو مەرج دیارییكردووە، تاوەكو بەشداریی كۆبوونەوەكانی پەرلەمان و پێكهێنانی حكومەت بكەن كە ئەوانیش، “مانه‌وه‌ی حه‌شدی شه‌عبی و دابه‌شكردنی پۆسته‌كانە به یه‌كسانی”.
هەروەها، بەشداریكردنی سه‌رجه‌م لایه‌نه‌كانی نێو چێوه‌ی هه‌ماهه‌نگی لە حكومه‌تدا و پێدانی به‌شێك له وه‌زاره‌ته سیادییه‌كان”.
كۆتا مەرجی ئەو لایەنانە ئەوەیە، سەرۆك وەزیرانی داهاتوو نابێت به‌بیانووی ڕووبه‌ڕووبوونه‌وه‌ی گه‌نده‌ڵی كه‌سایه‌تییه سیاسییه‌كان به ئامانج بگیرێت.
