كۆمپانیای سۆمۆ پێشبینی دەكات نرخی نەوت تا كۆتایی ئەمساڵ لە 115 دۆلار بە جێگیری بمێنێـەوە.
محەمەد سەعدون، بەرێوەبەری كۆمپانیای بەبازاركردنی نەوتی عێراق ڕایگەیاند، ئێمە ڕۆژانە مامەڵە لەگەڵ نرخی نەوت بەپێی ئەو نرخە دەكەین كە لە بازارەكانی جیهاندا مامەڵەی پێوەدەكرێت و ئامانجی خۆشمان پێكاوە و داهاتی نەوت لە مانگی ڕابردوودا گەیشتووەتە 11 ملیار دۆلار.
ئاشكرایكرد، پێشبینی دەكرێت تا كۆتایی ئەمساڵ نرخی یەك بەرمیل نەوت لە بازارەكانی جیهاندا بە 115 دۆلار بمێنێتەوە.
ئاماژەی بەوەشكرد، بڕیاری یەكێتیی ئەوروپا لەسەر نەوتی ڕوسیا كاریگەری لەسەر نرخی نەوت لە جیهاندا دەبێت بەجۆرێك كە تاكۆتایی ساڵی داهاتوو نرخی نەوت لە بەرزیدا دەمێنێتەوە.
