نوێنەرایەتی نەتەوەیەكگرتووەكان لە عێراق (یۆنامی) ڕایدەگەیەنێت، ماوەی چەند ساڵێكە عێراق بەدەست چەندین كێشەیەكەوە دەناڵێنێت، بەڵام ئەو كێشانەی بەرۆكی عێراقیان گرتووە ئەوەندە قورس نین چارەسەر نەكرێن پێویستە لایەنەكان لەپێناو بەرژەوەندیی عێراقدا گفتوگۆبكەن.
لە 19هەمین ساڵڕۆژی تەقاندنەوەی بارەگاكەیان لە عێراق، نووسینگەی نەتەوە یەكگرتووەكان ڕاگەیەندراوێكی بڵاوكردەوە كە تێیدا هاتووە، “ئێمە لە نێردەی نەتەوە یەكگرتووەكان بەردەوامدەبین لە هاریكاریكردنی خەڵكی عێراق و لەم ساڵانەی دواییدا بەدەست چەندین كێشەوە دەناڵێنێن.
ئاماژە بەوەش كراوە، بەو قەیرانەی ئێستاشەوە كە زۆر درێژەی كێشاوە، ئەوەندە قورس نین چارەسەر نەكرێن و پێویستە لایەنەكان بە گفتوگۆ كێشەكان لە پێناو بەرژەوەندیی گشتیی عێراقدا چارەسەربكەن”.
