ئەمڕۆ پارە لە هەولێرەوە نەگەیشتووەتە سلێمانی و مووچە دابەشنەكرا

ئەو وەزارەت و دەستانەی بڕیاربوو ئەمڕۆ مووچەی مانگی شوبات وەربگرن، تائێستا پارەیان بۆ تەرخاننەكراوە، بەڕێوەبەری گەنجینەی یەك لە سلێمانی دەڵێت، “بەپێی خشتەی دیاریكراوی وەزارەتی دارایی چەكی مووچەمان بە فەرمانگەكان داوە”.

بەپێی ئەو زانیارییانەی لە یەكێك لە بانكەكانەوە بە تۆڕی میدیایی ئێستا دراون، بڕیاروایە كاتژمێر 5ی ئەم ئێوارەیە پارە لە هەولێرەوە بۆ دابەشكردنی مووچەی وەزارەت و دەستەكان بگاتە پارێزگای سلێمانی و دەست بە دابەشكردنی بەسەر فەرمانگەكاندا بكرێت.

لە زانیارییەكاندا هاتووە، “ئەمڕۆ لە سنووری پارێزگای سلێمانی مووچە نەدراوە و چاوەڕوانی گەیشتنی پارەكە دەكرێت لە هەولێرەوە بگاتە سلێمانی و دەستدەكرێت بە دابەشكردنی”.

حەسەن ڕەشید، بەڕێوەبەری گەنجینەی یەك لە سلێمانی لە لێدوانێكدا بە تۆڕی میدیایی ئێستای ڕاگەیاند، بەپێی خشتەی دیاریكراوی وەزارەتی دارایی و ئابوری، چەكی مووچەمان بە بەڕێوەبەرایەتی و فەرمانگەكان داوە كە دیاریكراون و خەرجكردنی پارەكەیان لای بانكەكان دەبێت.

بڕیاربوو ئەمڕۆ یەكشەممە مووچەی وەزارەتەكانی (سامانە سروشتییەكان، پیشەسازی و بازرگانی، كشتوكاڵ و سەرچاوەكانی ئاو، شارەوانی و گەشتوگوزار، ئاوەدانكردنەوە و نیشتەجێكردن، ڕۆشنبیری، گواستنەوە و گەیاندن و كارەبا ) دابەشبكرێت.

بابەتی پێشتر

هاوژینی پێشووی كازم ساهیر لەسەر وەسێتی خۆی لە سلێمانی بەخاكسپێردرا

بابەتی دواتر

ئەڵمانیا بەدوای غازی سروشتیدا وێڵە

بابەتی پەیوەندیدار
زیاتر ببینە

پارێزگاری سلێمانی: داواكاریی فەرمانبەرانی گرێبەستی كۆمسیۆنمان پێشكەش بە سودانی كرد

هەڤاڵ ئەبوبەكر پارێزگاری سلێمانی رایدەگەیەنێت، داواكاریی فەرمانبەرانی گرێبەستی كۆمسیۆنی باڵای سەربەخۆی هەڵبژاردنەكانی عێراقمان پێشكەش بە سەرۆك وەزیرانی عێراق…
Total
0
Share