وەزارەتی پێشمەرگەی حکومەتی هەرێم لەبارەی خانەنشینیی هێزەکانی پێشمەرگە بڕیارێكی نوێی دەركرد و داوایان لێدەکات لیستی ئەو ناوانەیان ئاراستە بکەن کە بەپێی تەمەن خانەنشینی دەیانگرێتەوە.
بەپێی نووسراوەكەی وەزارەتی پێشمەرگە، دەبێـت هەموو بەڕێوەبەرایەتی و یەكەكان لیستی ناوی ئەو ئەفسەر و پلەدار و پێشمەرگانەیان بۆ بنێرن، كە تەمەنی خانەنشینی دەیانگرێتەوە.
ڕوونیشیكردووەتەوە، پلەی فەریق لە تەمەنی 63 ساڵی خانەنشین دەكرێت، لیوا 60 ساڵ، عەمید 58 ساڵ، عه‌قید 55 ساڵ، موقەدەم 53 ساڵ، ڕائید و نەقیب 49 ساڵ، ملازم 45 ساڵ و هەروەها پلەی پێشمەرگەی ئاسایی بە 45 ساڵ تەمەن خانەنشین دەكرێن.
