ڕاوێژکاری دارایی کازمی: پێشبینی دەکەین داهاتە نانەوتییەکان لە بودجەدا بۆ %25 بەرزببێتەوە

مەزهەر محەمەد ساڵح، ڕاوێژکاری دارایی مستەفا کازمی، ئەمڕۆ سێشەممە 17ی تشرینی دووەم ئاشکرایکرد پێشبینی دەکەین داهاتە نانەوتییەکان بگاتە %25 لە بودجەی ساڵی داهاتوودا.

لە لێدوانێکی ڕۆژنامەوانیدا ڕاوێژکارەکای کازمی وتی، “پابەند دەبن بە بڕیارەکانی کۆبوونەوەی یەکەمی ئەنجومەنی لایەنە ناپەیوەندیدارەکان بە وەزارەت، پەیوەست بە داهاتەکانی دەروازە سنورییەکان و هەناردەکردن”.

ئاماژەی بەوەشکردووە، “ئێستا داهاتە نانەوتییەکان ڕێژەی %6 – 7 ی کۆی داهاتەکانی بودجە پێکدەهێنێت، بەڵام ئەو بڕیارانەی حکومەت دەتوانێت داهاتەکەی بۆ %25ی بەرزبکاتەوە”.

بەپێی لێدوانەکەی ئەو ڕاوێژکارەی کازمی، “زیادکردنی داهاتە نانەوتییەکان لەڕێگەی باج و ڕسومات بەشێوەیەکی دروست، هەروەها ڕێکخستنی داهاتی دەروازە سنورییەکان و گومرگەکان دەبێت”.

ئەمە لەکاتێکدایە دوێنێ دووشەممە، مستەفا کازمی، سەرۆکوەزیرانی عێراق لەگەڵ ئەو دامەزراوانەدا کۆبوویەوە کە نەبەستراونەتەوە بە وەزارەت و دەستەکانەوە و تێیدا ڕایگەیاند، “دەبێت دەروازە سنورییە نافەرمییەکان دابخرێن و ڕێگە نەدرێت چیدیکە زیان بەر ئابوری عێراق بگەیەنرێت لەو ڕێگەیەوە”.

بابەتی پێشتر

حکومەتی هەرێم بە تێچووی زیاتر لە 381 ملیۆن دۆلار یەکەی نیشتەجێبوونی دابەشکرد

بابەتی دواتر

نرخی دۆلار بەرزبووەوە

بابەتی پەیوەندیدار
زیاتر ببینە

بەهای دۆلار بەرزبووەوە

لەگەڵ دەستپێکی ساڵی نوێ لە بازاڕەکانی دراو لە عێراقدا بەهای دۆلاری ئەمریکی بەرامبەر بە دیناری عێراقی بەرزبووەوە. ئەمڕۆ…
Total
0
Share