موقته‌دا سه‌در ڕێبه‌رى ڕه‌وتى سه‌در جارێكى دیكه له‌باره‌ى پێكهێنانى حكومه‌ته‌وه په‌یامه‌كانى خۆی دووباره‌كرده‌وه و ده‌ڵێت، “نەشەرقی، نەغەربی”.
سەدر دوای کوبوونەوەی لەگەڵ شاندى چێوه‌ى هه‌ماهه‌نگیی شیعه‌كان و سوننه‌كان په‌یامێكى بڵاوكرده‌وه و ده‌ڵێت، “نەشەرقی، نەغەربی، حکومەتی زۆرینەی نیشتمانی”
هاوكات خه‌میس خه‌نجه‌ر سه‌رۆكى هاوپه‌یمانى “سه‌روه‌ریی سوننه‌كان” له تویتێكدا كه له هه‌ژمارى خۆی له تۆڕی كۆمه‌ڵایه‌تیی تویته‌ر بڵاویكردووه‌ته‌وه نووسیویه‌تى، “هه‌میشه جه‌خت له‌سه‌ر بایه‌خی دیالۆگی نیشتمانی ده‌كه‌ین به ئاراسته‌ی تێپه‌ڕاندنی به‌ربه‌سته‌كان و ته‌واوكردنی مافه ده‌ستورییه‌كان، عێراق پێویستی به لێكتیگه‌یشتن و سه‌قامگیریی هه‌یه”.
هه‌روه‌ها له‌باره‌ى كۆبوونه‌وه‌كه‌ى ئه‌مڕۆی حه‌نانه‌ش ده‌ڵێت، “سوپاس بۆ سه‌ماحه‌تی موقته‌دا سه‌در بۆ ئه‌و ده‌ستپێشخه‌رییه میهره‌بانه‌ی، كه ئومێدی گه‌وره‌مان هه‌یه له ڕێگه‌ی دۆخی ئه‌رینیی دیداره‌كه‌ی ئه‌مڕۆمانه‌وه، به‌مزوانه بگه‌ینه پیكهێنانی حكومه‌تێكی به‌هێز كه وڵات بپه‌ڕێنێته‌وه بۆ كه‌ناری ئارام”.
