به‌ڕێوه‌به‌رایه‌تیی كه‌شناسی و بومه‌له‌رزه‌زانی هه‌رێمی كوردستان پێشبینی ده‌كات، ئه‌مڕۆ ئاسمان نیمچه‌هه‌ور بێت پاشان بۆ هه‌وری ته‌واو ده‌گۆڕێت، له‌گه‌ڵ دابارینی نمه‌باران و به‌فرێكی كه‌م له‌ناوچه شاخاویه سنووریه‌كان.
كه‌شناسیی هه‌رێم، پێشبینییه‌كانى كه‌شوهه‌واى ئه‌مڕۆ و سبه‌ینێی بڵاوكرده‌وه به‌پێی پێشبینییه‌كان ئه‌مڕۆ پێنجشه‌ممه “ئاسمان نیمچه‌هه‌ور و پاشان بۆ هه‌وری ته‌واو ده‌گۆڕێت، له‌گه‌ڵ دابارینی نمه‌باران و به‌فرێكی كه‌م له‌ناوچه شاخاوییه سنووریه‌كان، له‌كاته‌كانی شه‌ودا كاریگه‌ری دابارینه‌كه زیاتر ده‌بێت له زۆربه‌ی ناوچه‌كان به سه‌نته‌ری پارێزگاكانیشه‌وه”.
هه‌ر به‌پێی پێشبینییه‌كانى كه‌شناسی، سبه‌ینێ هه‌ینی ئاسمان هه‌وری باراناوی ده‌بێت له زۆربه‌ی ناوچه‌كانیش دابارین به‌شێوه‌ی نمه‌بارانی كه‌م بۆ مامناوه‌ند ده‌بێت و له‌كاته‌كانی شه‌ودا كاریگه‌ی دابارین كه‌مده‌بێته‌وه.
