وتەبێژی حكومەتی هەرێم ڕۆژانی پشوو بەبۆنەی جەژنی نەورۆز لە دامودەزگاكانی حكومەت ئاشكرادەكات.
جوتیار عادل، وتەبێژی حکومەتی هەرێمی کوردستان ڕایگەیاند، بە بۆنەی هاتنی جەژنی نەتەوەیی نەورۆزەوە لە ڕۆژی یەکشەممە 2022/3/20 تاوەکو ڕۆژی پێنجشەممە 2022/3/24 لە سەرجەم دامودەزگاکانی حکومەتی هەرێمی کوردستان پشووی فەرمیی دەبێت.
جەژنی نەورۆز یان دەستپێکی ساڵی نوێ لەناو كورد و گەلانی وڵاتی ڕۆژهەڵاتی ناوەڕاست و ئاسیای ناوەندیدا بەڕێوەدەچێت و هەریەک لەو وڵات و گەلانە بە جۆرێک گوزارشت لەو جەژنە یان ساڵە نوێیە دەکەن.
