نیشانەشكێنێكی كەنەدی ڕووی لە ئۆكرانیا كردووە بەمەبەستی بەرگریكردن لەو وڵاتە و ڕووبەڕووبوونەوەی هێزەكانی ڕوسیا.
“واڵی” ناسناوی نیشانەشكێنەكەیە كە خەڵكی كانتۆنی كیبكی كەنەدایە، یەكێكە لە نیشانەشكێنە دەستەبژێرەكانی كەنەدا و پێشتر لە ڕیزەكانی ئەو هێزەی وڵاتەكەیدا خزمەتیكردووە.
بەپێی سەرچاوەكان، “واڵی” چوارشەممەی ڕابردوو لە كەنەداوە گەیشتووەتە ئۆكرانیا و خۆبەخشانە هاوسەنگەری سەربازانی ئۆكرانی شەڕی ڕوسیا دەكات.
چوونی نیشانەشكێنەكەی كەنەدا بۆ ئۆكرانیا، هاوكاتە لەگەڵ چوونی ژمارەیەك سەربازی كەنەدی بۆ ئەو وڵاتە و ناردنی چەك و تەقەمەنی و مووشەكی دژەتانك و پێداویستیی سەربازیی دیكە لەلایەن كەنەداوە بۆ ئۆكرانیا.
