هاتوچۆی گەرمیان دەڵێت، سێ ڕووداوی هاتوچۆ لە جۆری پێكدادان لە سنوورەكەیاندا ڕوویانداوە و بەهۆیانەوە هەشت كەس برینداربوون.
بەڕێوەبەرایەتیی هاتوچۆی گەرمیان بڵاویكردەوە، سەرلەبەیانیی ئەمڕۆ لە ڕێگای نێوان ڕزگاری – کفری نزیک (گوندی وەلی هێر) ڕووداوێکی پێکدادان لەنێوان دوو ئۆتۆمبێل لە جۆرەکانی (تۆیۆتا کۆرۆلا و هۆندای تۆکسۆن) ڕوویدا و دوو کەس برینداربوون.
ئاشكراشیكرد، پاش نیوەڕۆش دوو ئۆتۆمبێلی جۆری (جێب و نیسان ناڤارا) پێکیاندادا و چوار کەس برینداربوون، ڕووداوەکە لە نزیک نەخۆشخانەی قەڵا بوو، ئۆتۆمبێلی جۆری جێب دوو ئافرەت و منداڵێک تێیدا برینداربوون و ئۆتۆمبێلی جۆری نیسان ناڤارا شۆفێرەکەی بە سووکی برینداربوو.
هاتوچۆی گەرمیان ئەوەشی خستەڕوو، ڕووداوێکی دیكەی پێکدادان لەنێوان دوو ئۆتۆمبێلی جۆری (تۆیۆتا هایلۆکس و کیا فۆرتی) لە فولكەی پەنجا ماڵەکەی قەزای کەلار ڕوویداوە، كە بەهۆی لێدانی ئیشارەت بووە، بەهۆیەوە شۆفێری کیاکە و سەرنشینێکی تۆیۆتاكە برینداربوون.
