بەڕێوەبەرایەتیی گشتیی كەشناسی و بومەلەرزەزانیی هەرێم بڵاویكردووەتەوە سبەینێ لە بەشێك لە ناوچەكانی هەرێمی كوردستان ئەگەری بەرزبوونەوەی تۆزێكی سووك هەیە.
بەپێی ڕاگەیەندراوێكی بەڕێوەبەرایەتیی گشتیی كەشناسی و بومەلەرزەزانیی هەرێم تێیدا هاتووە، لە سنووری پارێزگای هەولێر، ئاسمان لەزۆربەی كاتەكان ساماڵ دەبێت، لەگەڵ بوونی تۆزێكی سووك بەدرێژایی كاتەكان.
لەبارەی كەشوهەوای پارێزگای سلێمانیش كەشناسی ئاشكرایكردووە، ئاسمان ساماڵ و پەڵەهەور دەبێت، لەگەڵ بوونی خۆلێكی سووك بە تایبەتی لە كاتەكانی دوای نیوەڕۆدا.
لە ڕاگەیەندراوەكەدا هاتووە، ئەمڕۆ هەینی لە پارێزگای هەڵەبجە، ئاسمان ساماڵ و پەڵە هەور دەبێت، لەگەڵ بوونی تۆز و خۆڵێكی سووك لەكاتەكانی نیوەڕۆدا دواتر كاریگەریەكەی نامێنێت و سبەینێ شەممەش ئاسمان ساماڵ و پەڵە هەوردەبێت لەگەڵ بوونی تۆزێكی سووك.
ئاماژە بەوە كراوە، ئەمڕۆ لەپارێزگای كەركوك ئاسمان ساماڵ و پەڵەهەور دەبێت، لەگەڵ بوونی خۆڵێكی سووك، سبەینێش ئاسمان ساماڵ و پەڵەهەوردەبێت لەگەڵ بوونی خۆڵێكی سووك.
هەر لە ڕاگەیەندراوەكەدا هاتووە ئەمڕۆ لەپارێزگای دهۆك ئاسمان ساماڵ و پەڵەهەور دەبێت، بۆ سبەینێ شەممە ئاسمان ساماڵ دەبێت.
