ئەنجومەنی پارێزگای سلێمانی بڕیاریدا لەسەر گرفتەكانی ئاو، پێوەر و سزاكانی سەر بەشداربووان لە سنووری قەزای چەمچەماڵ سبەینێ كۆبوونەوەیەكی ڕاوێژكاری ئەنجامبدات.
بەپێی نووسراوێكی سەرۆكایەتیی ئەنجومەنی پارێزگای سلێمانی كە وێنەیەكی دەست “ئێستا” كەوتووە، لەسەر داواكاریی قائیمقامیەتی قەزای چەمچەماڵ و یاداشتی بەڕێوەبەرایەتیی ناحیەی شۆڕش كە لە 27ی 2ی 2022 خراوەتە بەردەم ئەنجومەنی پارێزگا، بڕیاریدا سبەینێ دووشەممە كۆبوونەوەیەك لەبارەی گرفتەكانی ئاو، پێوەر و سزاكانی سەر بەشداربووان لە سنووری قەزای چەمچەماڵ ئەنجامبدات.
كۆبوونەوەكە ڕاوێژكاری دەبێت و لیژنەكانی تایبەتمەند لە ئەنجومەنەكە و لێپرسراوانی یەكە ئیدارییەكانی سنووری قەزای چەمچەماڵ تیایدا بەشداردەبن.
