وەزارەتی پێشمەرگە بڵاویكردەوە، هێزەكانیان هەڵمەتێكی كێوماڵكردنیان لە چەند گوندێكی سنووری گەرمیان دەستپێكردووە.
بەپێی ڕاگەیەندراوێكی وەزارەتی پێشمەرگە، لە سنووری میحوەری یەكی گەرمەسێر فەوجی 1ی لیوای 3ی پیادەی وەزارەتی پێشمەرگە، هەڵمەتێكی كێوماڵكردنی لە سنووری ناوچەكانی باوپڵاوی و قەرەمین بە درێژایی 6 كیلۆمەتر بەرپاكرد.
لە ڕاگەیەندراوەكەی وەزارەتی پێشمەرگەدا هاتووە، ئەو ناوچانە بۆشایی ئەمنییان هەیە، هێزەكانی پێشمەرگە هەڵمەتەكەیان لەو شوێنانە دەستپێكردووە كە تەواوی ناوچەكانی خۆرئاوای باوپڵاوی و باكووری قەرەمین دەگرنەوە.
