فیدی ڤالڤێردی بەهۆی نەخۆشییەوە و تۆنی كروسیش بەهۆی پێكانەوە لە یارییەكەی سۆسیداد دوورخراونەتەوە.
ئەمشەو كاتژمێر 11، ڕیاڵ مەدرید لە سانتیاگۆ بێرنابیۆ میوانداری ڕیاڵ سۆسیداد دەكات.
بەهۆی نەخۆشیەوە ڤالڤێردی ناتوانێت بەشداری ئەو یارییە بكات و تۆنی كروسیش لەدواین ڕاهێنانەكاندا توشی پێكان بووە.
نەخۆشییەكەی ڤالڤێردی زۆر قورس نییە و بۆ یارییەكەی پاریس سانجێرمان دەتوانێت بگەڕێتەوە.
بەڵام پێكانەكەی تۆنی كروس خراپترە لەوەی پێشبینی دەكرا و هەلی بەشداریكردنی بەرامبەر پاریس زۆر كەمە كە بڕیارە رۆژی چوار شەممە یارییەكە بكرێت.
ئالابای بەرگریكاریش بە تەواوی لە پێكان چاكبۆتەوەو لە هەردوو یارییەكەی سۆسیداد و پاریس یاریی دەكات.
بۆ یارییەكەی ڕیاڵ مەدرید بەرامبەر پاریس مێندی و كاسمیرۆ بەهۆی كەڵەكە بونی كارتە زەردەكانیان و تۆنی كروسیش بەهۆی پێكانەوە بەشداری ناكەن.
