بۆ دووه‌مجار دانیشتنى دادگاییكردنى ڕاگیراو بێریڤان ئەیوب یه‌كێك له چالاكوانه‌كانى بادینان بۆ كاتێكى نادیار دواخرا.
تیمى پارێزه‌رانى بێریڤان ئەیوب، ئه‌مڕۆ دووشه‌ممه له كۆنگره‌یه‌كى ڕۆژنامه‌وانیدا ڕایانگه‌یاند، به‌بێ ئه‌وه‌ى هۆكاره‌كه‌ى ڕوونبكرێته‌وه دانیشتنى دادگاییكردنى ئه‌و ژنه چالاكوانه دواخرا كه ماوه‌ى زیاتر له 16 مانگه لە هەولێر دەستگیركراوە.
باسیان له‌وه‌ش كرد، له‌سه‌ر داواى سه‌رۆكى دادگاى 2ى تاوانه‌كانى هه‌ولێر دادگاییكردنه‌كه بۆكاتێكى نادیار دواخراوه.
به‌وته‌ى تیمى پارێزه‌ره‌كانى ئه‌و تۆمه‌تانه‌شى كه دراونه‌ته پاڵ ئه‌و ژنه چالاكوانه تێكدانى ئاسایشی هه‌رێمى كوردستانه، به‌ڵام به‌ڵگه‌كانى سه‌رى لاوازن.
