دوای 37 ڕۆژ لە بێسەروشوێنبوونی، تەرمی هاوڵاتییەك كە لە لافاوەكەی دارەتوودا خنكابوو دۆزرایەوە.
هاوڵاتییەكە ناوی عومران سادق بووە، پۆلیسی پارێزگای هەولێر دەڵێت، “دوای ئەوەی هێزەکانمان لە بەڕێوەبەرایەتیی پۆلیسی پارێزگای هەولێر، بەشی پۆلیسی فریاکەوتن، لە بوونی تەرمێک لە بەستی دارەتوو ئاگادارکرانەوە، دەستبەجێ گەیشتنە شوێنی مەبەست و دەرکەوت تەرمی هاوڵاتییەکە بەناوی (عومران سادق ئیسماعیل) کە باری دەروونیی تەواونەبووە، 37 ڕۆژ لەمەوبەر بەهۆی لافاوەکەی دارەتوو خنکاوە”.
“ئاگاداری بنکەی پۆلیسی دارەتوو و بەشی پۆلیسی بەڵگە و تاوان و ئامبوڵانس کرایەوە، بۆ ئەوەی تەرمەکە ڕەوانەی پزیشکی دادی بکرێت و دواتر ڕادەستی خانەوادەکەی بکرێتەوە”، ڕاگەیەندراوی بەڕێوەبەرایەتیی پۆلیسی پارێزگای هەولێر وادەڵێت.
