لیژنە‌ی باڵای دیداری یە‌كێتی، بە سە‌رپە‌رشتیی قوباد تاڵە‌بانی سە‌رپە‌رشتیاری مەکتەبی سكرتاریە‌تی سە‌رۆك مام جە‌لال، ئەمڕۆ لە سلێمانی كۆبووە‌وە و بڕیاردرا سه‌ره‌تاى مانگى پێنج دیداره‌كه بەڕێوەبچێت.
به‌پێی ڕاگه‌یه‌ندراوی كۆبوونه‌وه‌كه‌ش، لە كۆبوونە‌وە‌كە‌دا گفتوگۆ دە‌ربارە‌ی دوا كار و چالاكییە‌كانی لیژنە‌كان كرا و ھە‌ڵسە‌نگاندنیش بۆ ھە‌نگاوە‌كانی پێشوو و ئامادە‌كاری بۆ قۆناغی داھاتوو كرا.
كۆبوونە‌وە بڕیاریدا، كۆڕ و كۆبوونە‌وە‌كان فراوانتربكرێن بە‌شێوا‌زێك كە ناوچە‌ی جوگرافیش ڕەچاوبكرێت، بۆ ئەوەی زۆرترین ڕاوبۆچوون لەسەر چۆنێتیی داڕشتنی دید و سیاسە‌تی یە‌كێتی بۆ بوارە جیاجیاكان ئامادەبكرێت تا كاتی بە‌ستنی دیداری یە‌كێتی.
ھە‌روە‌ھا بڕیاردرا دیداری یە‌كێتی لە سە‌رەتای مانگی پێنجی ئە‌مساڵدا ببە‌سترێت.
له به‌شێكى دیكه‌ى ڕاگه‌یه‌ندراوه‌كه‌دا هاتووه، كۆبوونە‌وەكە میكانیزمێكی گونجاوی بۆ فراوانكردنی بە‌شداربووان لە لیژنە‌كان تاوتوێكرد.
