كارلۆ ئەنچلۆتی، ڕاهێنەری ڕیاڵ مەدرید پێیناخۆشە بوترێت تیپەكە بەهۆی كۆرتوای گۆڵچییەوە بردنەوە بەدەست دەهێنێت.
ڕیاڵ مەدرید بە زەحمەت بە گۆڵێكی بی بەرامبەر لە ڕایۆڤایكانۆی بردەوە و تاكە گۆڵەكەش كەریم بنزیمە تۆماریكرد.
ئەنچلۆتی پێیوایە بە گشتی یاریزانەكان ئاستێكی بەرزیان پێشكەش كردووە.
ئاماژەی بەوەشدا كە هێڵی بەرگرییان كەمێك شڵەژانی پێوە دیار بووە و كۆرتوا زۆربەی كێشەكانی چارەسەر كردوە.
ئەنچلۆتی ڕەخنەی لە چیمەنی یاریگاكە گرت و پێیوایە كەم تیپ توانیویەتی لەو یاریگایەدا براوە بێت.
ڕاهێنەرەكەی ڕیاڵ مەدرید ئاشكرایكرد بردنەوەكە بۆ ئاستی بەرزی هەموو یاریزانەكان دەگەڕێتەوەو پشكی شێر تەنها بەر كۆرتوای گۆڵچی ناكەوێت.
