هۆڵەندا 200 مووشەكی ستینگەر بۆ ئۆكرانیا دەنێرێت

حكومەتی هۆڵەندا ئاشكرایكرد، بڕیاریداوە لە نزیكترین كاتدا 200 مووشەكی ستینگەر بۆ ئۆكرانیا بنێرێت.

مووشەكەكان لە جۆری بەرگریی ئاسمانین و حكومەتی هۆڵەندا لە نامەیەكدا بۆ پەرلەمانی وڵاتەكەی، داوای نیشاندانی ڕەزامەندی كردووە بۆ ناردنیان.

ئاژانسی هەواڵی ڕۆیتەرز ناوەڕۆكی نامەكەی ئاشكراكردووە كە دەڵێت، “لەسەر داوای ئۆكرانیا، وەزارەتی بەرگری دەیەوێت بە زووترن كات 200 مووشەكی ستینگەر بۆ بەرگریی ئاسمانی بدات بە ئۆكرانیا”.

پێشتر هۆڵەندا بەڵێنی بە حكومەتی ئۆكرانیا دابوو تفەنگ و تەقەمەنی و سیستمی ڕادار و ڕۆبۆتی ئاشكراكردنی مین و تەقەمەنی بدات بو وڵاتە.

هاوكاتی ئەو هاوكارییە سەربازییانەی هۆڵەندا بۆ ئۆكرانیا، وڵاتەكە بڕیاریداوە باڵیۆز و كارمەندە دیپلۆماتكارەكانی كە لە ئۆكرانیان دووربخاتەوە بۆ ناوچەیەكی ئارامی ئەو وڵاتە بەمەبەستی پاراستنیان لە هێرشەكانی ڕوسیا.

بابەتی پەیوەندیدار
زیاتر ببینە

گروپی جی7 بەڵێنیاندا یەک ملیار دۆز ڤاکسینی کۆرۆنا ببەخشنە وڵاتانی هەژار

كۆبوونەوەی لوتكەی سەرانی حەوت وڵاتە پیشەسازییەكەی جیهان، كە لە بەریتانیا بەڕێوەچوو كۆتاییهات، سەرۆكی ئەمریكاش ڕایگەیاند، وڵاتەكەی لەچوارچێوەی بەرەنگاربوونەوەی …
Total
0
Share