كەسێك لەسەر پردی كۆبانێ لە سلێمانی كەوتەخوارەوە و بە سەختی برینداربوو، بەڵام هێشتا هۆكاری ڕووداوەكە ئاشكرانەبووە.
ئەمڕۆ هەینی كەسێك لەسەر پردی كۆبانێ كە دەكەوێتەسەر شەقامی (بازنەی مەلیك مەحموود) لە شاری سلێمانی كەوتووەتە خوارەوە و بە سەختی برینداربووە.
كەسەكە تەمەنی 30 ساڵە و تیمەكانی سەنتەری فریاگوزاریی خێرا گواستوویانەتەوە بۆ نەخۆشخانەی شار.
لەبارەی ڕووداوەكە، سامان نادر بەڕێوەبەری سەنتەری فریاگوزاریی خێرا بۆ تۆڕی میدیایی ئێستا دوا و ڕایگەیاند، “تا ئێستا دیارنییە ڕووداوەكە خۆكوژییە یاخود نا”.
