نەخۆشخانەی ئاشتیی سۆران ڕایگەیاند کەمێک بەر لە ئێستا کەسێک کە دەستڕیژی گولەی لێکرابوو بەر لە گەیاندنی بە نەخۆشخانە گیانی لەدەستدا.
لە لێدوانێکدا بۆ تۆڕی میدیایی ئێستا دکتۆر ڕزگار عزەت خان، بەڕێوەبەری نەخۆشخانەی ئاشتی لە سۆران ڕووداوەکەی پشتڕاستکردەەوە وڕایگەیاند بەرلە گەیاندنی بە نەخۆشخانەی ئێمە ئەو کەسە گیانیلەدەستدابوو.
لەوبارەیەوە شاسوار محەمەد، کارمەندی ئێشکگری نەخۆشخانەی ئاستی بە تۆڕی میدیایی ئێستای وت، “ئێوارەی ئەمڕۆ کەسێک لە خەلیفانەوە گەیەنرایە نەخۆشخانەکەمان کە دەسترێژی گولەی لێکرابوو وە 12 فیشەکی بەرکەوتبووە”.
ڕاشیگەیاند کە ئەو کەسە بەرلەوەی بگەیەنرێتە نەخۆشخانەکەی ئەوان گیانیلەدەستدابوو، چونکە ڕووداوەکە لە ناحیەی خەلیفانی سەربە قەزای چۆمان ڕوویداوە و لەناوبازاڕدا دەستڕێژی گولەی لێکراوە.
ئەو کەسەی دەستڕێژی گولەی لێکراوە و کوژراوە پێشمەرگەیە و لەدایکبووی ساڵی 1980یە، ئێستا پۆلیسی ناوچەکە دەستیکردووە بە لێکۆڵینەوە لە ڕووداوەکە.
