سوپای ڕوسیا دەڵێت، پێنج كەسی كوشتووە هەوڵی “پێشێلكردنی سنووری ڕوسیا”یان داوە.
ئەمڕۆ دووشەممە سوپای ڕوسیا ڕایگەیاند، پێنج كەس كە سەر بە گروپێكی تێكدەرانەن هەوڵیانداوە سنوورەكانی ڕوسیا پێشێلبكەن و لەلایەن هێزەكانی ڕوسیاوە كوژراون.
میدیای فەرمیی ڕوسیا هەواڵەكەی لە زاری سوپای وڵاتەكەیەوە بڵاوكردووەتەوە بەبێ ئەوەی وردەكاریی زیاتر لەبارەی شوێنی ڕووداوەكە و شوناسی كەسەكانەوە بخاتەڕوو.
هاوكاتی ئەم هەواڵە، ئاژانسی هەواڵی ڕۆیتەرز چەند وێنەیەكی بڵاوكردەوە و ڕایگەیاند، دیمەنی بڵاوكردنەوەی هێزەكانی ڕوسیان لەسەر سنوورەكانی لەگەڵ ئۆكرانیادا.
فۆتۆ – ڕۆیتەرز
